ଓଡ଼ିଶା ବାହାରେ ଓଡ଼ିଆ - ଦ୍ୱିତୀୟ ସଂଖ୍ୟା

ଓଡ଼ିଶା ବାହାରେ ଓଡ଼ିଆ

ଉତ୍କଳ ସାଂସ୍କୃତିକ ଶିବିର,‍ଭଦ୍ରକ,ଓଡ଼ିଶା ଆନୁକୂଲ୍ୟରେ ପ୍ରକାଶିତ

ଓଡ଼ିଶାର ଉତ୍ତର, ପଶ୍ଚିମ ଓ ଦକ୍ଷିଣ ଦିଗର ବିଚ୍ଛିନ୍ନାଞ୍ଚଳ ସହିତ ଭାରତ ଓ ଭାରତ ବାହାରେ ବାସ କରୁଥିବା ଓଡ଼ିଆମନଙ୍କ ପାଇଁ ସଂପର୍କର ଏକ ସେତୁ୤ ସେପ୍ଟେମ୍ବର-ଅକ୍ଟୋବର ସଂଖ୍ୟା                                                            ୨୦୧୩

ସନ୍ତାନର ଉକ୍ତି ବାରିଷ୍ଟର ମଧୁସୂଦନ ଦାସ ମାଆ ମାଆ ବୋଲି      କେତେ ମୁଁ ଖୋଜିଲି ମାଆକୁ ପାଇଲି ନାହିଁ, ଭାଇ ଭାଇ ବୋଲି         କେତେ ମୁଁ ଡାକିଲି ନଦେଲେ ଉତ୍ତର କେହି| ଖୋଜିଲି ଅରଣ୍ୟେ          ଜନ-ସମାଜରେ ଖୋଜିଲି ବାରିଧି ତଟ, ସର୍ବତ୍ର ଦେଖିଲି              ମାତା-ପଦଚିହ୍ନ ନହେଲା ମାତାର ଭେଟ| ଭୁବନେଶ୍ବରରେ             ପଦଚିହ୍ନ ପରେ ଲେଖାଅଛି ‘ରାଜରାଣୀ’ ନୀଳାଚଳଧାମେ            ପୂଜା ହେଉଅଛି ହିନ୍ଦୁଜାତି ମଥାମଣି| ଶୁଣିଅଛି ଶାସ୍ତ୍ରେ           ସତୀ ଅପମାନେ ଧରାହୁଏ ବିଦାରଣ, ଅପମାନ ହେତୁ         ସୀତା ଦେବୀଙ୍କର ମହୀହୃଦେ ବାସସ୍ଥାନ| ଅପମାନ ହେତୁ         ଜନନୀ ମୋର ଉତ୍କଳ ଭୂମଧ୍ୟବାସୀ| ଉତ୍କଳର ମାଟି           ପବିତ୍ର ହୋଇଛି ସ୍ବର୍ଗାଦପି ଗରୀୟସୀ ଜନନୀର ଦେଖା        କରିବାରେ ଇଚ୍ଛା ଯଦି ହୋଇଥାଏ ମନେ, ଉତ୍କଳର ମାଟି           ଆଲିଙ୍ଗନ କରି ତା’ ଧୂଳି ଲେପ ବଦନେ| ବୀର-ପ୍ରସବିନୀ        କୋଟି ସୁତ ମାତା ପାଇବକି ଦରଶନ ? ମୋ ଭଳି ନିଗୁର୍ଣ                ଧନ-ମାନ ହୀନ ସନ୍ତାନ କଲେ ରୋଦନ| କୋଟିଏ ସନ୍ତାନ         ଗୋଟିଏ ସ୍ବରରେ ‘ଜନନୀ’ ‘ଜନନୀ’ ଡାକ, ତୃଷ୍ଣାରେ କାତର         ଗଗନକୁ ଚାହିଁ ଯେସନେ ଡାକେ ଚାତକ| ଧନ-ମାନ ଜନ         ଯାହା ଉପାର୍ଜନ କରିଅଛ ଧରା ତଳେ, ହରଷିତ ମନେ          କରତବ୍ୟ ଜ୍ଞାନେ ଆଣିଦିଅ ଯଜ୍ଞସ୍ଥ‌୍‍ଳେ| ଜାତି-ପ୍ରେମ-ବହ୍ନି         ପ୍ରଜ୍ଜ୍ବଳିତ କର ସ୍ବାର୍ଥକୁ ଦିଅ ଆହୂତି ‘ସ୍ବାର୍ଥମେଧ ଯଜ୍ଞେ’      ଚାରିଆଡେ ନାଚ ଛାତିକୁ ମିଶାଇ ଛାତି| ଭୂମିକମ୍ପ ହେବ          ଧରଣୀ ଫାଟିବ ଉଠିବେ ସହସ୍ରଭୁଜା ସେହି ତୋର ମାତା      ସେହି ତୋର ତ୍ରାତା କର ସେହି ପଦପୂଜା|

ଉତ୍ସର୍ଗ ଉତ୍କଳ ଗୌରବ ମଧୁସୂଦନ ଦାସ (୧୮୪୮-୧୯୩୪)ଙ୍କୁ କେଉଁ ଓଡ଼ିଆ ବା ନଜାଣେ ? ‘ଉତ୍କଳ ସମ୍ମିଳନୀ’ ମାଧ୍ୟମରେ ସେ ଓଡ଼ିଆ ଭାଷା ଭିତ୍ତିରେ ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନ ଦିଗରେ ବ୍ରତୀ ଥିଲେ| ତେଣୁ ୧୯୩୬ ମସିହା ଏପ୍ରିଲ ୧ ତାରିଖରେ ଓଡ଼ିଶା ରାଜ୍ୟ ଗଠନ ହେଲା| ସେ ଥିଲେ ପ୍ରଥମ ଓଡ଼ିଆ ଓକିଲ, ପ୍ରଥମ ଏମ‌୍‍.ଏ ଡିଗ୍ରୀଧାରୀ, ପ୍ରଥମ ଜାତୀୟ କଂଗ୍ରେସର ସଦସ୍ୟ, ବିହାର-ଓଡ଼ିଶା କାଉନ‌୍‍ସିଲର ସଦସ୍ୟ ଓ ପ୍ରଥମ ମନ୍ତ୍ରୀ| ‘ଓଡ଼ିଶା ବାହାରେ ଓଡ଼ିଆ’ର ଏହି ଦ୍ବିତୀୟ ସଂଖ୍ୟା ତାଙ୍କରି ସ୍ମୃତିରେ ଉତ୍ସର୍ଗ କରାଯାଉଛି|