ରାଜକବି ଜଗନ୍ନାଥ ଦେବବର୍ମା
(୧୯୨୭)
ଆନ୍ଧ୍ରପ୍ରଦେଶର ଶ୍ରୀକାକୁଲମ୍ ଜିଲ୍ଲାର
ଟିକିଲି (ଟେକାଲି) ରାଜବଂଶରେ ଶ୍ରୀ ଜଗନ୍ନାଥ ଦେବବର୍ମା ୧୯୨୭ ମସିହା ଜୁନ୍ ମାସ ୧୬
ତାରିଖରେ ଭୂମିଷ୍ଟ ହୋଇଥିଲେ| ପିତାଙ୍କ
ନାମ- ଶ୍ରୀ ଗୋପୀନାଥ ହରିଚନ୍ଦନ ଜଗଦେବ ଓ ମାତାଙ୍କ ନାମ ସୁବର୍ଣ୍ଣମାଳା ଦେବୀ| ଟିକିଲି ରାଜବାଟିରେ
ସେ ଥିଲେ ସର୍ବାଧିକ ରୂପବାମା ଏବଂ ସ୍ନେହ ଓ ଆଦରର ପାତ୍ର|
ସନ୍ତାନର ସାହିତ୍ୟ ଓ ସଂଗୀତ ପ୍ରତି ଆଗ୍ରହ
ଦେଖି ପିତା ଗୋପୀନାଥ ତାଙ୍କ ପାଇଁ ରାଜବାଟୀରେ ପ୍ରତିଷ୍ଠିତ ଦୁଇଜଣ ଶିକ୍ଷକଙ୍କୁ ନିଯୁକ୍ତ
କରିଥିଲେ| ତେଣୁ
ସାହିତ୍ୟ ଓ ସଂଗୀତ ଦିଗରେ ଶୈଶବ କାଳରୁ ସେ ନିଜକୁ ଗଢ଼ିନେଲେ| ସେ ଟିକିଲିର
ପ୍ରାଥମିକ ବିଦ୍ୟାଳୟ ଓ ପରେ ଉଚ୍ଚ ବିଦ୍ୟାଳୟରେ ଅଧ୍ୟୟନ ବେଳେ ପିତା ଗୋପୀନାଥ ସ୍ବଗାର୍ରୋହଣ
କଲେ| ପରେ ସେ
ଶ୍ରୀକାକୁଲମ୍ ଉଚ୍ଚ ବିଦ୍ୟାଳୟରେ ଅଧ୍ୟୟନ କଲେ,
ମାତ୍ର ବିଦ୍ୟାଳୟର ପାଠ୍ୟକ୍ରମ ପ୍ରତି ବିମୁଖ ହୋଇ ବାହାର ପୁସ୍ତକ ପଢ଼ିବାରେ ସେ ଅଧିକ
ମନୋନିବେଶ କଲେ| ତେଣୁ ମାତା
ସୁବର୍ଣ୍ଣମାଳା ପୁଣି ଟିକିଲୁକୁ ଫେରାଇ ଆଣିଲେ|
ପିତାଙ୍କ ମୃତ୍ୟୁ ଓ ମାଙ୍କର ବ୍ୟସ୍ତତା, ଜଗନ୍ନାଥ ଦେବଙ୍କୁ
ଅଧିକ ନିଃସଙ୍ଗ କରିଦେଲା| ତେଣୁ ମା
ତାଙ୍କ ମନରେ ପ୍ରଫୁଲ୍ଲତା ଆଣିବା ପାଇଁ ବିବାହର ଆୟୋଜନ କଲେ| ୧୯୪୪ ମସିହା ଏପ୍ରିଲ
୨୭ ତାରିଖରେ ତିଗିରିଆ ରାଜା ସାହେବ ଶ୍ରୀ ଅନନ୍ତ ନାରାୟଣ ଚମ୍ପତିଙ୍କ କନ୍ୟା କୁମାରୀ
ସ୍ୟମନ୍ତକମଣିଙ୍କ ସହ ତାଙ୍କ ବିବାହ ସଂପନ୍ନ କରାଗଲା| ସ୍ତ୍ରୀଙ୍କର ସେ
ନାମଦେଲେ - କମଳକୁମାରୀ ଦେବୀ|
ତାଙ୍କର ଦାମ୍ପତ୍ୟ ଜୀବନ ବେଶ ରସମୟ ହୋଇ ଉଠିଥିଲା|
କମଳକୁମାରୀ କନ୍ୟାରତ୍ନଟିଏ ଜନ୍ମକରି
ସ୍ବଗାର୍ରୋହଣ କଲେ| ଫଳରେ
ଜଗନ୍ନାଥ ମ୍ରିୟମାଣ ହୋଇଗଲେ| ତାଙ୍କ
ଜୀବନରେ ପୁଣି ଆନନ୍ଦମୟ ପରିବେଶ ସୃଷ୍ଟି କରିବା ପାଇଁ ମାତା ରାଣୀ ସୁବର୍ଣ୍ଣମାଳା ତାଙ୍କର ଦ୍ବିତୀୟ
ବିବାହ କରାଇ ଦେଲେ| ରାଜକବି
ରାଧାମୋହନ ରାଜବେନ୍ଦ୍ର ଦେବଙ୍କ ପୌତ୍ରୀ ତଥା ଯୁବରାଜ ଗୌରଚନ୍ଦ୍ରଙ୍କ ମଧ୍ୟମା କନ୍ୟା
ଶଶିକଳାଙ୍କ ସହିତ ୧୯୪୮ ମସିହାରେ|
ଏହି ଦ୍ବିତୀୟ ପତ୍ନୀ ଚିକିଟି ରାଜବଂଶର
ପ୍ରତିନିଧି ରୂପେ ଶଶିକଳା ଥିଲେ ସଂଗୀତ ଓ ସାହିତ୍ୟରେ ଅତି ନିପୁଣା| ମାତ୍ର ୧୯୫୦ରେ ମାତା
ସୁବର୍ଣ୍ଣମାଳାଙ୍କ ମୃତ୍ୟୁ ଓ ଜୁଲାଇ ମାସରେ ପତ୍ନୀଙ୍କର ମୃତ୍ୟୁ ତାଙ୍କୁ ପୁଣି ଶୋକସାଗରରେ
ଭସାଇ ଦେଲା| ପୁତ୍ର
ସନ୍ତାନ ନଥିବାରୁ ୧୯୫୪ ମସିହାରେ ସେ ବିହାରର ରାଜକୁମାର ରାଜେଶ୍ବର ପ୍ରସାଦ ସିଂହଙ୍କ ଚତୁର୍ଥ
କନ୍ୟା କବିତା କୁମାରୀଙ୍କୁ ବିବାହ କଲେ|
ତାଙ୍କ ଗର୍ଭରେ ତିନିଗୋଟି ପୁତ୍ର ଓ ଗୋଟିଏ କନ୍ୟା ସନ୍ତାନ ଜାତ ହୋଇଥିଲା|
ଜଗନ୍ନାଥ ସାହିତ୍ୟ ଓ ସଂଗୀତ ମଧ୍ୟରେ
ସର୍ବଦା ନିମଜ୍ଜିତ ହୋଇଯାଉଥିଲେ|
ଜଗନ୍ନାଥ ଦେବ ଜଣେ ସଂଗୀତପ୍ରେମୀ ଥିଲେ|
ପିଲାଦିନରୁ ସେ ସଂଗୀତଜ୍ଞ ଲକ୍ଷ୍ମୀ ନାରାୟଣ ସାମନ୍ତଙ୍କ ଠାରୁ ସଂଗୀତ ଶିକ୍ଷା କରିଥିଲେ| ସଂଗୀତ
ମହାବିଦ୍ୟାଳୟରେ ବିଦ୍ୟା ଶିକ୍ଷା କରି କର୍ଣ୍ଣାଟକୀ ସଂଗୀତ ଗାନଠାରୁ ବେହେଲା ବାଦନ
ପର୍ଯ୍ୟନ୍ତ ଜଗନ୍ନାଥଦେବ ଥିଲେ ସିଦ୍ଧହସ୍ତ|
ତେଣୁ ସେ ହାଇଦ୍ରାବାଦ, ବିଜୟୱାଡ଼ା, ବିଜୟନଗରମ୍ ଓ
ଶ୍ରୀକାକୁଲମ୍ ଆଦି ସ୍ଥାନକୁ ଏଥିପାଇଁ ପ୍ରତିବର୍ଷ ନିମନ୍ତ୍ରିତ ହୋଇଯାଉଥିଲେ| ୧୯୪୪ରୁ ୧୯୪୮ ମସିହା
ପର୍ଯ୍ୟନ୍ତ ମାନ୍ଦ୍ରାଜ ଆକାଶବାଣୀ,
ବିଶାଖାପାଟଣା ଓ କଟକ ଆକାଶବାଣୀରେ ମଧ୍ୟ ଜଗନ୍ନାଥ ବେହେଲା ବାଦନ ପାଇଁ ସୁଯୋଗ ପାଇଥିଲେ| ଆନ୍ଧ୍ର ସଂଗୀତ ନାଟକ
ଏକାଡେମୀ, ଓଡ଼ିଶା
ସଂଗୀତ ନାଟକ ଏକାଡେମୀ, ଉତ୍କଳ
ସଂଗୀତ ମହାବିଦ୍ୟାଳୟ ମଧ୍ୟ ତାଙ୍କର ଏହି ପ୍ରତିଭାକୁ ସ୍ବୀକୃତି ଦେଇଥିଲେ| ସଂଗୀତର ଅଭିବ୍ୟକ୍ତି
ଭାଷା ଅପେକ୍ଷା ତାଳ, ଲୟର
ମୂର୍ଚ୍ଛନା ଉପରେ ହିଁ ନିର୍ଭର କରିଥାଏ|
ଏଣୁ ସେ ଉଭୟ ଓଡ଼ିଶା ଓ ଆନ୍ଧ୍ର ଜନତାଙ୍କର ଶ୍ରଦ୍ଧାଭାଜନ ହୋଇପାରିଥିଲେ|
ସମାଜସେବୀ ଶ୍ରୀ କପିଳେଶ୍ବର ଦାସଙ୍କର
ସହଯୋଗ ଜଗନ୍ନାଥ ପ୍ରତିଭାକୁ ସଂଜୀବିତ କରିବାରେ ସାହାଯ୍ୟ କରିଥିଲେ| ଟିକିଲି
ରାଜପ୍ରାସାଦରୁ ମଧୁସୂଦନ ଦେବଙ୍କ ଦ୍ବାରା ‘ବୀଣା’ ସାହିତ୍ୟ ପତ୍ରିକା
ସଂପାଦିତ ହୋଇ ପ୍ରକାଶ ପାଇଥିଲା|
ଜଗନ୍ନାଥ ଦେବ ଯେଉଁ କେତୋଟି ସାହିତ୍ୟ ରଚନା
କରିଛନ୍ତି| ତା’ର ସୂଚନା ନିମ୍ନରେ
ପ୍ରଦାନ କରାଗଲା-
(କ) କାବ୍ୟ
କବିତା ସଂକଳନ : ଶ୍ରୀଜଗନ୍ନାଥ ଜଣାଣ (୧୯୪୦),
ସତୀପାର୍ବତୀ (୧୯୪୧), ମଣିକାଞ୍ଚନ
(୧୯୪୩), ସପନତରୀ
(କବିତା), ସ୍ମୃତି
(୧୯୫୨), କବିତା, ନାଦଶ୍ରୀ
(୧୯୫୬-କବିତା), ଭଗ୍ନ
ବେହୁଲା (୧୯୫୯-କାବ୍ୟ), ଉଷାର
ନିଷାଦ (୧୯୬୭-କବିତା), ଶିଳାପ୍ରସ୍ତର
(୧୯୭୨-କବିତା), ହଂସକବିତା
(୧୯୮୦), ବିପ୍ଳବୀ
ଗୋପବନ୍ଧୁ (୧୯୮୧-କବିତା), ବିହଗର
ବେହାଗ (୧୯୮୨-କାବ୍ୟ), କାତବକାନ୍ତା
(୧୯୮୩-କବିତା), ଜଗଦେବ
ସଂଚଳନ (କବିତା)|
(ଖ) ଗଳ୍ପ -
ଉଳିଳିକା (୧୯୪୯), ନୀଳୋପିଳ
(୧୯୫୦) ଛନ୍ଦ ଯାଇଛି ହଜି (୧୯୫୪),
ଧୂସର (୧୯୫୭),
(ଗ)
ପ୍ରବନ୍ଧ - ପ୍ରତିଭା ଦର୍ଶନ (୧୯୮୩)
(ଘ)
ଗୀତିନାଟ୍ୟ - ରାଣୀ (୧୯୮୧)
ଜଗନ୍ନାଥ ଜଗଦେବ ବିଭିନ୍ନ ସାହିତ୍ୟ
ଅନୁଷ୍ଠାନ ଦ୍ବାରା ସମ୍ମାନିତ ହୋଇଛନ୍ତି|
ଯଥା- ୧) ଅଷ୍ଟାଦୁର୍ଗ ସାହିତ୍ୟ ସାଂସ୍କୃତିକ ପ୍ରତିଷ୍ଠାନ- ସାହିତ୍ୟ ମଞ୍ଜୁଶ୍ରୀ
(୧୯୭୨-ଫେବୃଆରୀ-୨୭)
୨) ଉତ୍କଳ ପାଠକ ସମାଜ - ୧୯୭୯-ମାର୍ଚ୍ଚ ୧୩
ତାରିଖ
୩) ଦୈନିକ ଆଶା- ୧୯୮୪ ବାର୍ଷିକ ଉତ୍ସବ
(ସହାୟକ ଗ୍ରନ୍ଥ - ଓଡ଼ିଶାର
ଦକ୍ଷିଣ ସୀମାରେ ଥିବା ବିଚ୍ଛିନ୍ନାଞ୍ଚଳ -ସଂପାଦକ ଡ. ବାଉରୀବନ୍ଧୁ କର, ଡ. ଅଶ୍ବିନୀ କୁମାର ପଣ୍ଡା, ଓଡ଼ିଶା ସାହିତ୍ୟ ଏକାଡେମୀ -
୨୦୦୨)
|
ବୁଧବାର, ମାର୍ଚ୍ଚ 12, 2014
ବିଚ୍ଛିନ୍ନାଞ୍ଚଳ ପ୍ରତିଭା ପରିଚୟ
କୁ ଗ୍ରହୀତା:
ମନ୍ତବ୍ୟସମୂହ ପୋଷ୍ଟ କରନ୍ତୁ (Atom)
ଲୋକ କଥା (LokaKatha.com) ଓଡ଼ିଆ ଅନଲାଇନ୍ ଖବର ସବୁଠୁ ସହଜ ଓ ସବୁ ମୋବାଇଲ୍ ଲାପଟପ୍ କମ୍ପୁଟର ରେ ଘରେ କିମ୍ବା ଅଫିସରେ ଯେକୌଣସି ସ୍ଥାନରେ ଓଡ଼ିଶାର ବଛାବଛା ଖବର ଏବେ ପଢିପାରିବେ ଆପଣ । ଆସନ୍ତୁ ଏବେ ପ୍ରତିଦିନ ଆମ ରାଜ୍ୟ ରାଜନିତି, କଳା, ସାହିତ୍ୟ, ସୂଚନା ଓ ପ୍ରଯୁକ୍ତି ବିଦ୍ୟା ଆଉ ସବୁ ବଡ ବଡ ଖବର ସହ ଅନଲାଇନରେ ଲୋକ କଥା ସହ । ଏହା ସହଜ କାରଣ ଓଡିଆ ଭାଷାରେ ଆଉ ଓଡ଼ିଶା କଥାରେ ଲୋକକଥା ।
Replyବିଲୋପକମ ଆଡଭଟାଇଜମେଣ୍ଟ ସହ ବେସି ଖବର କେବଳ ଗୋଟେ ପୃଷ୍ଠାରେ ସବୁ ଖବର ର ହେଡ଼ ଲାଇନ୍ ପ୍ରତିଦିନ ସକାଳ ଓ ସଞରେ ପ୍ରତି ସମୟରେ ଖବର ଯାହା ଆପଙ୍କ ଦରକାର ।
ଅପରାଧ ଏବଂ ଅହାର ଖୁଲାସା ନିର୍ଭିକ ଲେଖକ ମାନଂକ ସୂଚନା । ଆଜିର ଦୁନିଆ ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । ଏମିତି କିଛି ଖାସ ଆପଣ ମାନଂକ ପାଈଁ । ସବୁଠୁ ଆଗରେ ଆଉ ବିଧିବଦ୍ଧ ସୂଚନା ସହ ।